Kven kan få hjelp her?
- Du må være over 18 år og busett i kommunen
- Lettare til moderate symptom på til dømes stress, depresjon, angst, søvnvanskar, tristheit og bekymring.
- Det er heilt vesentleg at ein er motivert og klar for eigeninnsats for å kunne nytte seg av dette tilbodet.
- Du treng ikkje tilvising frå lege for å få hjelp
- Dersom du ikkje allereie er tilvist/fått tilbod om helsehjelp frå psykolog/DPS.
- Ha tilgang til PC/nettbrett/mobil som kan opne nettsider/laste ned ein app
Tilbodet er ikkje eigna for deg som:
- Treng langvarig oppfølging i form av støttesamtalar.
- Har alvorleg grad av angst, depresjon, rusproblem og søvnvanskar.
- Har komplekse og samansette utfordringar som har vart over tid.
- Er allereie i behandling.
Korleis verkar det?
Den som ønsker kontakt sender ein e-post til psykisk.helsehjelp@stord.kommune.no med namn, telefonnummer og alder. Det er svært viktig å ikkje skrive sensitiv informasjon i e-post som helseopplysningar, personnummer osb. Du vil innan 10 dagar bli kontakta av ein psykisk helsearbeidar for kartleggingssamtale og eventuelt oppstart i rettleia assistert sjølvhjelp. Om vi ser at assistert sjølvhjelp ikkje er rett tilbod så vil vi kunne rettleie og lose deg videre til rett teneste.
Sjå nettsida om Assistert Selvhjelp – Bedre enn å vente på neste time.
