Inkludering i barnehage, skule og skulefritidsordning (SFO) handlar i stor grad om verdiar, haldningar, handlingar, relasjonar og kultur. Det å oppleva seg inkludert er viktig for barn og unge sin trivsel, læring og livsmeistring. I vår kommune er det å arbeida med inkludering i barnehage, skule og SFO noko som startar når barnet byrjar i barnehagen.
Målgruppa for dokumenta og lenkene du finn på denne sida om inkluderande læringsmiljø er tilsette i barnehage og skule i Stord kommune, samt foreldre og andre som saman bidreg til å skapa inkluderande læringsmiljø for alle barn/elevar.
Inkludering i barnehage, skule og SFO skal vera eit inkluderande fellesskap der vaksne, barn og unge set pris på mangfald og bidreg til samskaping. Det pedagogiske arbeidet ivaretek det einskilde barnet/ den unge sitt utviklingspotensiale, og dei tilsette nyttar varierte metodar.
