Kreftkoordinator

Kreftkoordinator er eit lågterskeltilbod som kan vera med å bistå kreftramma og deira pårørande i alle aldrar og alle fasar av sjukdomsforløpet.

Kva kan ein kreftkoordinator hjelpa deg med?

Koordinera og leggja til rette for at du og dine skal få ein best mogleg kvardag.
Vera ein ressursperson for deg som er kreftramma, eller for pårørande
Ha oversikt over relevant tilbod og tenester for kreftpasientar og deira pårørande
Gje råd og rettleiing om diagnose, behandling og rehabiliteringsmoglegheiter
Vera samtalepartner som kan bidra og sortere tankar i ein vanskeleg tid
Arbeida tverrfagleg. Samarbeide med andre instansar som er relevant i ein sjukdomsperiode

På kreftforeningen.no kan du sjå ein informasjonsfilm om kreftkoordinator i kommunen

Aktiv etter kreft

Er eit tilbod for deg som har gjennomgått kreftbehandling.

Målet er at du skal få

auka livskvalitet
auka meistringsevne
sosial deltaking og møta andre i same livssituasjon
tilpassa fysisk aktivitet og styrketrening, og koma i betre fysisk form og få meir energi
informasjon om aktuelle tema
få individuell samtale og hjelp til å sette deg mål ved behov

Kreftpasientar har lett for å verta fysisk passive av naturlege og naudsynte årsakar. Det kan likevel tenkast at aktivitetsnivået i mange tilfelle vert unødvendig lavt.

Gjennom å vere fysisk aktiv kan du verta betre til å kjenne kroppen din og finne ut kor mykje du orkar og kva du kan gjere. Fysisk aktivitet kan vere ei hjelp til å rette merksemd mot det friske i deg og gi moglegheit til å oppleve at det er mange ting du kan gjere til tross for sjukdomen. I tillegg gir fysisk aktivitet moglegheit til gode opplevingar saman med andre. Fysisk aktivitet gir helsegevinst – også etter ein kreftdiagnose!