Salsløyve for alkohol

Faste salsløyve blir tildelt for inntil fire år om gongen, og det kan i tillegg bli gjeve salsløyve for eit enkelthøve, t.d. marknad.

Salsløyve er løyve til å selja alkohol frå butikk. Løyvet er knytt til ein særskilt løyvehavar, eit spesifikt salslokale, ein styrar og ein eller fleire reservestyrarar.

Dersom det innanfor den 4-årige løyveperioden skjer endringar i drifta eller personar som er knytt til salsløyvet, skal det straks meldast frå til kommunen. Bruk skjemaet; Bevilling - melding om endringar.

Eit salsløyve gjeld for alkoholgruppe 1; frå 2,5 til 4,7 volumprosent alkohol.

Løyvesøkjaren og personar som har vesentleg innverknad på verksemda, må ha utvist ulasteleg vandel. Styrar og reservestyrar for løyvet må i tillegg ha bestått kunnskapsprøven om alkohollova for salsverksemd, vere over 20 år, arbeide i verksemda, som hovudregel i 100% stilling. 

Spørsmål og svar i høve kunnskapsprøva i alkohollova.

Ved søknad om førstegongs salsløyve må løyvehavar, før søknaden vert handsama politisk, ha sendt inn følgjande dokumentasjon:

1. Målsett teikning med tydeleg markering av skjenkearealet
2. Godkjent leigekontrakt/skøyte
3. Beskriving av verksemda si internkontroll etter alkoholforskrifta kap. 8, jf. Guide til god internkontroll etter alkohollova og utfylt internkontrollskjema frå Helsedirektoratet, som ligg nedst på rettleiingssida deiar. tilpassa eiga verksemd og konsept: 
4. Dokumentasjon på at styrar og reservestyrar er fast tilsette i verksemda
5. Dokumentasjon på bestått kunnskapsprøve

Løyvehavar skal til ein kvar tid oppfylle dei krava som er sette i alkohollova, anna alkoholregelverk, og dei vilkår som er set i løyvevedtaket.

Gebyr for skjenkeløyve i Stord kommune er til ein kvar tid i samsvar med alkoholforskrifta § 6-2.