Nye krav til bruk av gjødsel

Har du dokumentasjon på tidlegare godkjenning, så er det ikkje naudsynt å sende ny søknad om godkjenning.

Søknadsskjema for å få godkjent innmarksbeite som spreieareal ligg lenger nede på sida. 

Har du godkjent gjødselplan der kunstgjødsel er del av gjødsling på innmarksbeite så er det ikkje nødvendig å få godkjenning også for bruk av kunstgjødsel på innmarksbeita før 2027.

Du kan lesa meir om spreieareal for husdyrgjødsel på Statsforvaltaren si nettside: Nye krav til bruk av gjødsel | Statsforvaltaren i Vestland

Søknad om dispensasjon for å gjødsle med husdyrgjødsel ved opparbeiding av innmarksbeite (word)

Avtale om spreiing av husdyrgjødsel (word)

Kvittering for levert husdyrgjødsel (pdf)

Søknad om godkjenning av innmarksbeidte som spreieareal (word)

Søknad om godkjenning av immarksbeite som spreieareal (pdf)

Nye fristar for spreiing i Vestland blir mellom 1. mars og 15. september, og gjeld all gjødselvare. Det skal alltid haustast ei avling etter siste gjødsling.
Det er framleis forbode å spreie gjødsel på frosen eller snødekt mark.

Mange må no planlegge meir spreiing av husdyrgjødsel på vår og forsommar, for å unngå gjødsel som må ut etter siste slått.
Kommunen kan ikkje lenger tillate gjødselspreiing etter fristen. Statsforvaltaren får høve til å gi dispensasjon, men berre i særskilte tilfelle.

I 2025 og 2026 er det ei overgangsordning med fristar 15. februar og 15. september, og høve til å spreie med nedmolding fram til 1. november.

Det er krav om minst to meter gjødslingsfri sone mot vassdrag, som før. For innmarksbeite er denne sona utvida til seks meter.

Gjødsling med fosfor blir no kraftig innskjerpa. Frå 2025 er maksimal mengde fosfor 3,5 kg per dekar, og 2 kg per dekar for innmarksbeite. Dette er summen av fosfor frå mineralgjødsel, husdyrgjødsel og andre gjødselslag.

Kravet vert vidare vesentleg innskjerpa med gradvis nedtrapping frå 2027 til 2033. Dette betyr at bonden må spreie husdyrgjødsla over eit større areal, og bruke mineralgjødsel utan fosfor.