Etter ein presentasjon stilte Olaug opp med balltriksing på scenen, og ein fotballkamp med elevar frå elevrådet! Det enda uavgjort mellom Olaug og fire elevar.
Elevrådet hadde førebudd mange gode spørsmål til Olaug, og me fekk vite om både trening, kampar, favorittmål og litt anna. Visste du at Olaug er ein ivrig samlar av vinylplater og at ho hadde spelt bordtennis i gymsalen på Rommetveit?
Kamp mot Arsenal på Emirates, volleyskuddet mot Kolbotn og hattrick mot Arna-Bjørnar var nokre av høgdepunkta me fekk høyra om. Olaug hadde også gode råd til dei som ville satsa på draumen sin, og ikkje uventa er hardt arbeid, trening og glede viktig.
Takk for besøket Olaug, og velkomen tilbake! Kanskje du kan forsterka lærarlaget litt i fotballkampen mot 7. trinn til sommaren?
Fakta om Olaug
- Landslagsspelar i fotball
- Årets beste spelar i Toppserien 2023/2024
- 2 gonger Norgesmeister
- 182 kampar i Toppserien (Avaldsnes 88, Vålerenga 94)
- 53 mål i Toppserien (og 1 raudt kort)
- Banens beste fleire gonger
- 2 nominasjonar til årets mål
- 16 kampar for Trott 16 og 19 (og mange før det)
- 61 landskampar, aldersbestemte
- Ekspertkommentator på NrK
- Elevrådsleiar Rommetveit 12/13
- Skodespelar i fotballvideo
Kjelder: Norges Fotballforbund, Olaug Tvedten og Britt Kristin Ladehaug
