Byggje- og aktivitetsforbod langs offentleg veg - dispensasjon

Det er eit allment byggje- og aktivitetsforbod på privat eigedom i eit belte langs kommunal veg (byggjegrenseavstand). Forbodet gjeld bygningar, men òg hekkar, buskar, gjerde og anna som hindrar sikta. Kommunen behandlar og godkjenner søknad om

• dispensasjon frå dei alminnelege byggjegrensene i veglova
• dispensasjon frå byggjegrenser som er fastsette i reguleringsplan (berre mindre vesentlege endringar)
• løyve til graving gjennom kommunal veg eller langs vegen
• løyve til å strekkje leidning over eller langs veg.

Kommunen kan påleggje å fjerne vegetasjon på privat eigedom langs kommunal veg.

Grunneigarar langs offentleg veg, entreprenørar og byggjebransje.

Byggjegrenseavstanden kan vere fastsett i arealdelen i kommuneplanen eller i reguleringsplanen. Er området ikkje regulert eller planen ikkje har byggjegrenser, gjeld føresegnene om avstand i veglova. Dersom søknad om dispensasjon eller løyve òg er fremja i ein byggjesøknad, blir han behandla i byggjesaka. Reglane om avstand frå veg varierer med kva slags innreiing det er snakk om. Det avgjerande er

• kravet til fri sikt og andre trafikktryggleiksvurderingar
• behovet for å reservere ein romsleg kanal gjennom landskapet til ulike vegformål.

Kommunen skal innhenta dei opplysningane som er nødvendige for å avgjera saka. Du vil få informasjon undervegs, og også rettleiing til å skaffa rette opplysningar, viss du treng det. Deretter fattast det eit vedtak.

Dersom du er misnøgd med vedtaket, kan du klage til kommunen innan ein frist på tre veker frå du tok imot det. Forklar kva du er misnøgd med og kvifor du meiner at vedtaket bør endrast. Dersom du treng rettleiing, kan du vende deg til kommunen. Dersom kommunen lèt vedtaket stå, blir saka sendt vidare til klagenemnda i kommunen, som avgjer om klagen skal takast til følgje.

Eining for tekniske tenester

Øivind Lothe

tlf: 53 49 67 56

Send e-post